ОЧИҚ МУЛОҚОТ ЎТКАЗИЛДИ

15.12.2022, 13:34
Туманда

0

1

2

3

4

5

Жорий йилнинг январь ойида туманимизда 37 нафар фронт орти кексаларимиз мавжуд бўлса, ҳозирги кунда уларнинг сони 31 нафарни ташкил этаяпти. Уларнинг ҳолидан хабар олиш жойлардаги сектор раҳбарлари, маҳалла раислари, ёшлар етакчилари ҳамда хотин-қизлар маслаҳатчиларининг диққат-эътиборида бўлиб турибди. Бундан ташқари, туманда 1 ноябрь ҳолатига 275 нафар шароити оғир ва кам таъминланган кексалар мавжуд. Шулардан 170 нафари ёлғиз ва якка ёлғиз кексалардир. Жорий йилнинг 11 ойи давомида маҳалла ва нуронийларни қўллаб-қувватлаш бўлими томонидан анчагина ишлар амалга оширилганлигини таъкидлаб ўтиш лозим. Жорий йилнинг ўзида нуронийлар кенгаши вилоят бўлими томонидан 14 та дам олиш йўлланмаси, 22 та юмшоқ жиҳозлар, 6 та ногиронлик аравачаси, 8 та эшитиш мосламаси ва 1 та қўлтиқтаёқ билан таъминланди. Шунингдек, 265 нафар кексалар учун Самарқанд шаҳри ва вилоятдаги зиёратгоҳларга сафарлар уюштирилди. Бундан ташқари, кексаларни спорт билан шуғуллантириш ва улар ўртасида спортнинг турли йўналишлари бўйича мусобақалар ўтказиш бўйича ҳам анчагина ишлар амалга оширилаяпти. Бу борада фахрий спортчи Бурхон Умировнинг хизмати таҳсинга сазовор бўляпти.
Туманимизда мавжуд 533 та муаммоли ёшлар билан тушунтириш ишлари амалга оширилиб, улар 67 нафар фаол нуронийлар, ҳоким ёрдамчилари, маҳалла раислари ва ёшлар етакчиларининг ҳамкорликда амалга оширган ишлари туфайли уларнинг сони 22 нафарга камайтирилиб, 506 нафарни ташкил этмоқда.
“Оқдарё овози” газетаси таҳририятида туман ҳокимлиги маҳалла ва оилани қўллаб-қувватлаш бўлими раҳбари Дилфуза Мамадиярова ҳамда бўлим бошлиғининг кексалар ва фахрийларни қўллаб-қувватлаш бўйича ўринбосари Ҳамидулло Қаршиев билан бўлиб ўтган очиқ мулоқот давомида юқорида келтирилган фикр-мулоҳазалар айтиб ўтилди. Маърузачилар журналистлар томонидан берилган саволларга батафсил жавоб қайтаришди.

Мавзуга оид: