“Zo‘ravonlikka qarshi 16 kun” aksiyasi davom etmoqda

Bugungi kunda gender tengligi dolzarb masala bo‘lib, har bir davlatda bu prinsipga amal qilinishi zarur hisoblanadi. So‘nggi yillarda yurtimizda gender tenglikni ta’minlash va ayollarning ijtimoiy hamda siyosiy hayotdagi rolini oshirish borasida bir qator yo‘nalishlarda tizimli ishlar amalga oshirilmoqda.

Jumladan:

• Ayollar huquqlari to‘g‘risidagi qonunchilikni takomillashtirish;

• Ayollarni himoya qilishning institutsional asoslarini mustahkamlash;

• Aholining gender tenglik va ayollar huquqlari to‘g‘risida xabardorligini oshirish;

• Huquqni qo‘llash amaliyotida gender me’yorlarga amal qilinishini ta’minlash uchun mas’ul mansabdor shaxslarni maxsus o‘qitish.

Statistik ma’lumotlar:

Bugungi kunda mamlakatimizda:

• Ayollar soni: 16 909 629 nafar;

• Erkaklar soni: 17 093 244 nafarni tashkil etadi.

Bu raqamlar aholining yarmidan ortig‘ini ayollar tashkil etayotganini ko‘rsatadi va bu holat gender tenglikka e’tiborni kuchaytirishni talab etadi.

Amalga oshirilayotgan islohotlar:

• Vazirlar Mahkamasining 2020-yil 30-oktabrdagi 678-son qarori bilan tasdiqlangan “2020–2021 yillarda jamiyatda huquqiy madaniyatni yuksaltirish bo‘yicha chora-tadbirlar dasturi”da gender tenglikni ta’minlash va ayollarga nisbatan zo‘ravonlikning oldini olish bo‘yicha “Gender-madad” elektron huquqiy maslahatchi loyihasi ishlab chiqilgan.

• 2020-yil 15-apreldagi 228-son qarorga ko‘ra, Mahalla va oilani qo‘llab-quvvatlash vazirligiga gender tenglikni ta’minlashga oid normativ-huquqiy hujjatlarni ishlab chiqishda ishtirok etish vazifasi yuklatilgan.

• Prezidentning 2020-yil 3-avgustdagi PQ–4796-son qarori bilan tasdiqlangan “2020–2025-yillarda O‘zbekiston Respublikasi statistikasini rivojlantirishning milliy strategiyasi”da gender statistikasini takomillashtirish nazarda tutilgan.

• 2020-yil 30-martdagi 192-son qaror bilan esa normativ-huquqiy hujjatlar va ularning loyihalarini gender-huquqiy ekspertizadan o‘tkazish tartibi belgilangan.

Ushbu hujjatlarning barchasi mamlakatimizda gender tenglikni ta’minlashga, ayollar huquqlarini mustahkamlashga xizmat qiladi.

Aksiyaning ahamiyati

Shuni alohida ta’kidlash lozimki, barcha axborot vositalarida zo‘ravonlik va shafqatsizlikni targ‘ib qilish qat’iyan taqiqlangan.

Shu kabi qonunchilik va amaliy ishlarning natijasi o‘laroq, yurtimizda “Zo‘ravonlikka qarshi 16 kun” aksiyasi keng nishonlanmoqda. Viloyatimizda ham ushbu aksiya doirasida turli ma’rifiy tadbirlar, uchrashuvlar, seminarlar tashkil etilmoqda.

Aksiya:
📌 Shior: “Dunyoning to‘qsariq rang tusi: jamg‘arish, javob berish, oldini olish, jamlash!”

Bu kabi tadbirlar aholining ogohligi va huquqiy madaniyatini yanada yuksaltirishga xizmat qiladi.

Jinoiy ishlar bo‘yicha Oqdaryo tuman sudining raisi
B. X. Polvonov