УЛАР ЖУРНАЛИСТ ЭДИЛАР

Ўктам Қурбонов     институтни тугатгач, ўша йиллари Даҳбедда чоп этилаётган туман газетасида ўз фаолиятини бошлади. Қалами чархлангач, кўп йиллар "Зарафшон" газетасида меҳнат қилиб, самарали ижод билан шуғулланди. Республика миқёсида ўтказилган турли танловларда фаол иштирок этиб, ғолибликни қўлга киритди. Самарқанд телевидениесида ҳам бош муҳаррир сифатида фаолият кўрсатиб, кўплаб шогирдлар тайёрлади.
Рустам Аминов ёшлигидан адабиётга меҳр қўйганлиги боис, СамДУнинг филология факультетига ўқишга кирди. Олийгоҳни тугаллагач, кўп йиллар "Оқдарё овози" газетасида масъул котиб сифатида фаолият кўрсатиб, кўпчиликка намуна бўлди. Иқтидорли ижодкорнинг бир неча китоблари чоп этилиб, ўз мухлисларига эга бўлди.   Оқдарё журналистикаси тарихида иқтидорли қалам соҳиби Ниёзхон Алиевнинг муносиб ўрни бор. Ўзига хос мактаб яратган бу инсон кўп йиллар "Оқдарё овози" газетасида муҳаррир вазифасини сидқидилдан адо этиб, эл ҳурматига сазовор бўлди.