Yangi O‘zbekiston - inson qadri ustuvor bo‘lgan jamiyat va xalqparvar davlatdir

  “2024-yil – Yoshlar va biznesni qo‘llab-quvvatlash yili” mazmun-mohiyatini korxonalar, tashkilotlar, ta’lim muassasalari hamda mehnat jamoalari va aholining keng qatlamlariga yetkazish bo‘yicha 23 ta ma’naviy-ma’rifiy tadbirlar o‘tkazildi. Mahallalarda ijtimoiy-ma’naviy muhit barqarorligini ta’minlash maqsadida “Bir ziyoli - bir mahallaga ma’naviy homiy” tamoyili asosida har bir mahallalarga biriktirilgan professor-o‘qituvchilar, yozuvchi shoir, taniqli san’atkor va ziyolilarning ma’naviy-ma’rifiy, targ‘ibot ishlari mahallabay tarzda tashkil qilinib, 20 dan ortiq targ‘ibot tadbirlari o‘tkazildi. Yoshlarga ko‘maklashish hamda jamoatchilik nazoratini ta’minlash maqsadida “Har bir nuroniy - o‘n nafar yoshga murabbiy” tamoyili asosida har bir mahallalardan 10 nafardan tarbiyasi og‘ir, ma’naviy ko‘makka muhtoj, uyushmagan, ishsiz yoshlarga biriktirilgan nuroniylarni o‘zlariga biriktirilgan yoshlar bilan amalga oshirilgan ishlar monitoring qilib borilmoqda. Hozirgacha bu borada 15 dan ortiq amaliy ishlar qilindi.
    Voyaga yetmaganlar o‘rtasida “Ommaviy madaniyat”, “Diniy ekstremizm”, “Terrorizm”, “Radikalizm”, “Jaholatga qarshi ma’rifat”, “Korrupsiya - taraqqiyot kushandasi”, “Giyohvandlik - asr vabosi”, “Biz zo‘ravonlikka qarshimiz”, “Islom aqidaparastlikni qoralaydi”, “Mahallada duv-duv gap” kabi mavzularda 35 dan ziyod uchrashuv, davra suhbatlari, targ‘ibot tadbirlari, viktorinalar, slaydlar, videoroliklar, ijtimoiy so‘rovnomalar o‘tkazilib, ijtimoiy tarmoqlarda yoritildi.
    2022-2026-yilgacha “Harakatlar strategiyasidan - taraqqiyot strategiyasi” sari dasturining mazmun-mohiyatini tushuntirishga bag‘ishlangan 15 dan ortiq  tadbirlar, davra suhbatlari tuman tashkilotlari va muassasalarida o‘tkazildi. 
“O‘zbek tilining davlat tili sifatidagi nufuzi va mavqeyini tubdan oshirish chora-tadbirlari to‘g‘risida”gi O‘zbekiston Respublikasi Prezidentining 2019-yil 21-oktyabrdagi PF-5850-son farmoniga asosan davlat tili qoidalari buzilishi bilan bog‘liq holatlar hamda markaziy ko‘chalardagi tashqi targ‘ibot vositalari, turli mazmundagi reklamalar, e’lon va bannerlarning holati, unda aks etgan yozuvlar O‘zbekiston Respublikasining “Reklama to‘g‘risida”gi, shuningdek,  “Davlat tili haqida”gi qonunlar talablariga tumanda rioya etilishini tahlil qilish bo‘yicha 22 ta o‘rganish ishlari olib borildi.
   “Yangi O‘zbekiston - inson qadri ustuvor bo‘lgan jamiyat va xalqparvar davlatdir” shiori ostida aholi, ayniqsa, yoshlar o‘rtasida targ‘ibot ishlarini tashkil etishga alohida e’tibor berilmoqda. Mazkur shior ostida hozirgi kunga qadar 26 dan ortiq davra suhbatlari o‘tkazildi.
   O‘zbekiston Respublikasi Prezidenti Sh.Mirziyoyev rahbarligida 2023-yil              22-dekabr kuni Respublika Ma’naviyat va ma’rifat Kengashining videoselektor tarzida o‘tkazilgan majlisi 3-sonli bayoni, 36-bandi ijrosi yuzasidan Oqdaryo tumanidagi bo‘lim, korxona, tashkilot va ta’lim muassasalarida 2023-yil davomida haftaning juma kunlari “Ma’naviyat va ma’rifat soatlari” muntazam ravishda o‘tkazilib kelinmoqda.
   O‘zbekiston Respublikasi Prezidentining 2022-yil 19-yanvardagi “Mahallalarda yoshlar bilan ishlash tizimini tubdan takomillashtirish chora-tadbirlari to‘g‘risida”gi PQ-92-son Qarori ijrosini ta’minlash, mahallalarda ma’naviyat va kitobxonlikni targ‘ib qilish borasida “Zakovat”, “Quvnoqlar va zukkolar”, “Zukko kitobxon”, “Yosh kitobxon”, “Yosh kitobxon oila”, “Xorijiy tillar bilimdoni”, “Yosh poliglot”, “Munozara”, “Milliy xalq o‘yinlari” singari 70 dan ortiq tadbirlar tashkil etildi.
   O‘zbekiston Respublikasi Vazirlar Mahkamasining 2019-yil 31-dekabrdagi “Uzluksiz ma’naviy tarbiya konsepsiyasini tasdiqlash va uni amalga oshirish chora-tadbirlari to‘g‘risida”gi 1059-sonli qarori ijrosini ta’minlash maqsadida yosh avlodni Vatanga muhabbat va sadoqat ruhida tarbiyalash maqsadida ta’lim muassasalarida 46 ta ma’naviy-ma’rifiy tadbirlar tashkil etildi.
   Mamlakatimizda keng nishonlanadigan umumxalq bayramlari, muhim sanalarni keng aholi orasida targ‘ib qilishga qaratilgan ma’naviy-ma’rifiy tadbirlar muntazam o‘tkazilib kelinmoqda. Tumanda 28 dan ziyod festival, tanlov, uchrashuv, davra suhbatlari, targ‘ibot tadbirlari, sport tadbirlari, viktorinalar, slaydlar, videoroliklar, ijtimoiy so‘rovnomalar o‘tkazildi.
   Respublika Ma’naviyat va ma’rifat markazi Oqdaryo tuman bo‘linmasi, hamkor tashkilotlar hamda shoirlar va ijodkor yoshlar bilan kitobxonlik, tadbirlari, ijodiy kechalar ham o‘tkazilib kelinmoqda. Buni natijasi o‘laroq viloyatda, Respublikada ijodkor o‘quvchilar faxrli o‘rinlarni egallab kelishmoqda.
  Joriy yilda respublikamiz bo‘ylab “Ma’naviyat festivali” tashkil qilindi. “Ma’naviyat festivali” doirasida taniqli san’atkorlar, aktyor va aktrisalar, jurnalistlar, ijodkorlar, shoir va shoiralar tumanimizga tashrif buyurib, aholi,  ayniqsa, yoshlarni ertangi kunga bo‘lgan ishonchini oshirish, xalqimizni kayfiyatini ko‘tarish maqsadida ibratli tadbirlar amalga oshirildi. 
  O‘zbekiston Respublikasi Prezidentining 2022-yil 19-yanvardagi “Mahallalarda yoshlar bilan ishlash tizimini tubdan takomillashtirish chora-tadbirlari to‘g‘risida”gi PQ-92-son Qarori ijrosini ta’minlash maqsadida   “Juma – Harbiy vatanparvarlik kuni” deb belgilangan. Shu munosabat bilan yoshlarimizni harbiy vatanparvarlik ruhida tarbiyalanish maqsadida Samarqand shahridagi Markaziy harbiy okrugga sayohatlar tashkil qilinib kelinmoqda.