Qishloq hayoti — mehnat va baraka manbai

Qishloq hayoti — mehnat va baraka manbai

Men Samarqand viloyati Oqdaryo tumanidagi Suĝonchi qishlog‘ida yashayman. Bizning qishloq aholisi asosan dehqonchilik bilan shug‘ullanadi. Ayniqsa, urug‘chilik bu yerda keng rivojlangan bo‘lib, odamlar yil davomida turli ekinlar yetishtiradi. Har bir xonadon o‘z mehnati bilan yashashga odatlangan.

Qishloqda hayot tong sahardan boshlanadi. Odamlar erta turib dalaga yo‘l oladi. Har bir ekin o‘z vaqtida parvarish qilinadi, sug‘oriladi va e’tibor bilan qaraladi. Chunki hosilning mo‘l bo‘lishi aynan mehnatga bog‘liq. Shu bois qishloq ahli mehnatdan hech qachon charchamaydi.

Yetishtirilgan urug‘lar va mahsulotlar turli viloyatlarga olib chiqiladi. Qishloq aholisi o‘z mahsulotlarini bozorlarda sotadi. Ayniqsa, Siyob bozori va vokzal atrofidagi savdo joylarida qishloq mahsulotlariga talab yuqori. Bu esa aholining daromad topishiga katta yordam beradi. Har bir inson o‘z rizqini halol mehnat bilan topishga intiladi.

Biroq qishloq hayotining o‘ziga yarasha qiyinchiliklari ham mavjud. Ba’zida suv ta’minoti yoki ob-havo bilan bog‘liq muammolar yuzaga keladi. Shunga qaramay, odamlar sabr bilan bu qiyinchiliklarni yengib o‘tadi. Qishloq aholisi doimo bir-birini qo‘llab-quvvatlaydi.

Qishloq hayotining yana bir go‘zal jihati — bu insonlar orasidagi samimiyatdir. Odamlar bir-biriga yaqin, mehr-oqibat kuchli. To‘y-hasham, marosimlar hamjihatlikda o‘tadi. Shu sababli qishloqda o‘zgacha iliqlik va birlik seziladi.

Xulosa qilib aytganda, qishloq hayoti — bu mehnat, sabr va barakaning uyg‘unligidir. Suĝonchi qishlog‘i ham ana shunday mehnatkash insonlar maskani hisoblanadi. Bu yerda yashayotgan har bir inson o‘z mehnati bilan hayotini qurmoqda va kelajakka ishonch bilan qaramoqda.

Sabina Qarshiyeva.

Berdaq nomidagi Qoraqalpoq davlat universiteti talabasi.