ТУТ ПАРВОНАСИ

Тут парвонаси (Glyphodes pylaialis Walker.) - қурти фақат тут барги билан озиқланадиган зараркунанда ҳашарот. Айниқса, тут дарахтлари, ниҳоллари, баргига жиддий зарар келтиради. Тўлиқ ривожланадиган ҳашарот. Катта ёшдаги қуртлари дарахт пўстлоқлари тагида махсус ипакдан тўқиган беланчаги ичида қишлаб чиқади. Баҳорда ғумбакка айланади, 15-20 кундан сўнг ундан капалаклар учиб чиқади. Капалаги майда, қанотлари ёзилганда 15-17 мм, қанотида кўндаланг чизиқлари бор. Ҳар бир капалак (тут баргига 2-3 тадан) ўртача 5060 та тухум қўяди. Тухумдан чиққан қуртлар тут барги тўқималарини еб шикастлайди. Зарарланган дарахт новдалари қурийди, совуққа чидамлилиги пасайиб кетади. Йил давомида 6-7 марта авлод беради. Охирги авлоднинг қуртлари октябрь-ноябрь ойларида қишлашга ўтади.
1994 йилдан Ўзбекистонда, дастлаб Афғонистон орқали Сурхондарё вилоятида, кейинги йилларда Фарғона, Тошкент, Сирдарё вилоятларида тapқалган. Тут парвонасига қарши биологик кураш усуллари яхши самара беради.

Шуҳрат Камолов, 

Юсуфхон Омонов, 

Жавлон ҚаҲҲОров,

туман Ўсимликлар карантини ва ҳимояси бўлими инспекторлари.