Bugundan mamlakatimizda "Yoshlar turizmi haftaligi" boshlandi. Qanday chegirmalar bor?

Haftalikdan ko‘zlangan maqsad yoshlarni ta’til vaqtida mavsumiy imtiyozli turistik paketlar asosida diqqatga sazovor joylarga sayohatlarini tashkil etish, talabalar, o‘quvchilar va mahallalardagi aholi va yoshlarning sayohatlarini tashkil etish. Shuningdek nogironligi bo‘lgan o‘quvchi, talaba va yoshlarning respublikamiz bo‘ylab sayohat qilishi uchun zarur tashkiliy va amaliy chora-tadbirlarni amalga oshirishdan iborat.
Haftalik doirasida “O‘zbekiston temir yo‘llari” AJ hamda “Uzbekistan Airways” AJ tomonidan sayohat qiluvchi yoshlar uchun viloyatlararo qatnovchi avtobus, avia va temiryo‘l chiptalarga chegirmalar hamda tadbirkorlik sub’yektlarining tashish xizmatlariga ixtiyoriy chegirmalar belgilangan.
Bugun, 4 yanvar kuni Samarqand shahar maktablarining 100 nafar faol o‘quvchilari hamda kam ta’minlangan oila farzandlari uchun Samarqandning diqqatga sazovor joylari va “Silk Road Samarkand” turizm markaziga sayohat tashkil etilgan.