ИҚТИДОРЛИ ЁШЛАР ТАНЛОВ ҒОЛИБИ

Сафарова Гулрух 2013 йилдан бошлаб  Оқдарё туманидаги 7-сон Болалар мусиқа ва санъат мактабида ўқувчиларга "Зардўзлик"  тўгарагида сабоқ бериб келмоқда. У 2022 йил июль ойида  республика "Санъат йўналиши"  кўрик-танловида Зардўзлик йўналиши бўйича 3-ўринни қўлга киритган эди.
2023 йил июнь ойида Самарқанд шаҳрида бўлиб ўтган "Уч авлод учрашуви"да ҳам ўзларининг қўл ишлари кўргазмаси билан бевосита иштирок этиб,  республика Нуронийлар жамғармаси раиси, сенатор Содиқжон Турдиевнинг ташаккурномаси ва эсдалик совғаларини қўлга киритди. Айни пайтда ҳам Гулрух Сафарова ўқувчи қизларга зардўзликнинг сир ва асрорларини ўргатиб келмоқда.
Фаррух Ҳуббимов  2017 йилдан бошлаб  7-сон Болалар мусиқа ва санъат мактабида фортепиано фанидан дарс келмоқда. У ўз ўқувчилари билан 2022 йилда Тошкент шаҳридаги консерваторияда бўлиб ўтган халқаро кўрик-танловда фахрли биринчи ўринни, 2023 йил 21 июнь куни   Самарқанд шаҳридаги Нурафшон санъат саройида бўлиб ўтган "Сен зўрсан" кўрик-танловининг финал босқичида фахрли биринчи ўринни қўлга киритди. 
Фаррух Ҳуббимов айни пайтда халқаро кўрик-танловда иштирок этиш мақсадида тайёргарлик кўрмоқда.