НОҚОНУНИЙ ХАТТИ-ҲАРАКАТ ФОШ ЭТИЛДИ

Судланувчи Қурбонов Темур (исми-шарифи ўзгартирилган), тумандаги "Мустақиллик" МФЙ да жойлашган "Шакарова Муборак умумий овқатланиш ва хизмат кўрсатиш" оилавий корхонасида норасмий раҳбар сифатида ноқонуний йўллар билан бойлик орттиришни ўз олдига мақсад қилиб олади. Шу мақсадда у Ўзбекистон Республикаси Вазирлар Маҳкамасининг 12.01.2018 йилдаги "Электр энергияси ва табиий газдан фойдаланиш тартибини такомиллаштиришга доир қўшимча чора-тадбирлар тўғрисида"ги 22-сонли Қарорининг 125-банди талабларига зид равишда, табиий газ тармоғига ўзбошимчалик билан уланади. Корхонага умумий қуввати 21.04 м3/соат бўлган қурилмаларни ўрнатиб, табиий газдан тижорат мақсадида ноқонуний фойдаланиб,  "Ҳудудгазтаъминоти" АЖ Самарқанд филиали Оқдарё туман газтаъминоти бўлими манфаатларига жами 45.951.000 сўм зарар етказиб, ўзганинг мол-мулкини яширин равишда талон-торож қилганлиги аниқланган.
Судланувчи Темур Қурбонов, Ўзбекистон Республикаси ЖК 169-моддаси 2-қисмининг "д" бандида назарда тутилган жиноятни содир этганликда айбли деб топилди ва унга нисбатан ҳар ойда ойлик иш ҳақидан 15 фоиз миқдорини давлат даромади ҳисобига ушлаб қолган ҳолда 2 йил муддатга ахлоқ тузатиш ишлари жазоси тайинланди.
Ж.ТЎРАЕВ,
туман прокурори ёрдамчиси, 
1-даражали юрист.