Мактаб директори - маънавият тарғиботчиси

Қушнинг парвозини қўш қанотисиз тасаввур қилиш мумкин бўлмаганидек, инсоннинг иқболи ва юрт истиқболини ҳам таълим-тарбия ва маънавият-маърифатсиз тушуниш, идрок этиш мушкул. Шунинг учун ҳам, мамлакатимизда маънавий-маърифий масалаларга, таълимий ва тарбиявий соҳаларга катта эътибор қаратилганлиги бежиз эмас. Бу соҳадаги ислоҳотларнинг барчаси юртимизнинг эртаси, халқимизнинг истиқболи бўлгувчи ёшларимизга бўлган меҳр-муҳаббатдан келиб чиқади. 
Туманимиздаги 41-мактабда кўп йиллар давомида  директор лавозимида ишлаб келаётган Нортожи Қўйчиева буларнинг барчасини юракдан ҳис қилади. У мактабда таълим ва тарбияни тўғри йўлга қўйиш ҳамда ёш авлодни она Ватанга меҳр-муҳаббат, ватанпарварлик руҳида тарбиялашга алоҳида эътибор қаратади. Шу боисдан тажрибали педагог ва раҳбар сифатида доимо ўз устида ишлашни, мамлакатимизда, дунё миқёсида, туманимизда рўй бераётган янгиликларни, воқеа-ҳодисаларни билишга интилади. Айниқса, туманимиз кўзгуси бўлган "Оқдарё овози" газетасининг ҳар бир сонини доимо кузатиб боради. Шунинг билан бир қаторда педагогик жамоани, ўқувчиларни оммавий ахборот воситалари билан ошно бўлишга, китоб мутолааси билан шуғулланишга даъват этади.