ҲОРМАНГ, ПИЛЛАКОРЛАР!

26 апрель куни Халқ депутатлари туман Кенгаши депутатлари тумандаги маҳалла хотин-қизлар фаоллари билан биргаликда касаначи-пиллакорларнинг иш фаолиятларини ўрганишди. 

Халқ депутатлари туман Кенгаши депутатлари Кумушкент, Янгиобод, Оқдарё, Олчинтепа, Амир Темур, Янгиқўрғон, Сўғончи,  Ўзбекистон, Гулистон, Авазали, Ойтамғали маҳаллаларидаги  Жўрахонова Феруза, Бегматова Ҳафиза, Исмоилова Ҳилола, Исмоилова Шавқия, Аҳмедова Роҳила, Эшонқулова Зебо, Эргашева Хуршида, Худойбердиева Наргиза, Рўзимуродова Дилноза, Аллаева Гулруҳлар хонадонларида бўлиб, ипак қурти парвариши жараёни билан яқиндан танишишди. 

Депутатлар томонидан шу каби ўрганиш ишлари барча маҳаллаларда олиб борилиб, пиллачилик билан шуғулланишнинг фойдали жиҳатлари юзасидан хотин-қизлар ўртасида тарғибот ишлари амалга оширилмоқда.

Дарҳақиқат, айни кунларда туманимизда ипак қурти боқиш ишлари қизғин давом этмоқда. Жойларда масъуллар пиллакорлар билан учрашиб, амалий ёрдамлар кўрсатиб келишмоқда. 

28 апрель куни вилоят ва туман фермерлар кенгаши масъуллари ҳам ипак қурти етиштирилаётган хонадонларда ўрганиш ишларини олиб боришиб, хонадон эгаларига муҳим тавсиялар беришди.