Оқдарёда янги кўприк қурилди

Пайариқ ва Оқдарё туманларининг аҳолиси, айниқса, “Олмазор” ҳамда “Ўзбекистон” маҳаллаларининг “Ўтап” ва “Човка” қишлоқларининг орасидан ўтувчи Оқдарёнинг устида замонавий стандратлар асосида янги кўприк қурилишининг бошланганлиги ҳақидаги мақола газетамиз орқали маълум қилинган эди. Яқинда қуриб битказилган кўприкнинг очилишига бағишланган тадбир бўлиб ўтди. Унда сўз олган маҳаллалардаги меҳнат фаҳрийлари Ўзбекистон Республикаси давлат мустақиллигининг 30 йиллик тўйига муносиб туҳфа бўлганлигини фаҳр ва ғурур билан тилга олишди. Бир пиёла чой устида бўлиб ўтган тадбирда қўлларини дуога очган отахонлар, тинчлик ва омонлик кунларга беҳисоб шукроналар айтиб, бу каби бунёдкорлик ишлари бардавом бўлишини тилашди.