ХИЗМАТИДАН ЭЛ МАМНУН

Бобур Аҳмедовни Бобур маҳалласининг Мўллақўрғон қишлоғида меҳнатсевар инсон, уста деҳқон сифатида яхши билишади. Чунки кўп йиллардан буён деҳқончилик ва боғдорчиликда катта тажриба тўплаган бу инсон томорқадан бир йилда уч марта ҳосил йиғиштириб олиб, эл дастурхонини тўкин қилишга ўзининг муносиб ҳиссасини қўшиб келмоқда.
Бу йил тадбиркор деҳқон 8 сотих майдондаги карамдан камида 10 тонна маҳсулот етиштириш учун астойдил ҳаракат қилмоқда. Қилинган самарали меҳнат ўзининг дастлабки натижаларини кўрсатмоқда. Айни пайтда мавжуд майдонларга экилган карам кўчатлари пишиб етилиш арафасида турибди. Бу эса уста деҳқонни самарали меҳнатидан дарак беради.