Лойиш кўчалари тунда ҳам чароғон бўлаяпти

Кейинги йилларда Лойишда кенг миқёсдаги ободонлаштириш ишлари амалга оширилаётганлиги кўзни қувонтиради. Ҳар йили бу ерда аҳолига маданий-маиший, савдо-хизмат кўрсатиш бинолари қурилиб фойдаланишга топширилмоқда. Шуни алоҳида таъкидлаш керакки, шаҳарчада қарийб барча кўчалар таъмирланаётганлиги эътиборга лойиқдир. 
Туман ободонлаштириш бошқармаси ходимлари томонидан тунги чироқлар янгиланаётганлиги шаҳарчанинг тунда кўркига-кўрк қўшмоқда. Яқинда Наврўз кўчасидаги тунги чироқлар янгисига алмаштирилди. Бу ҳам бевосита ободонлаштириш бўлими ходимларининг ўз вазифаларига сидқидилдан ёндашаётганлигидан дарак беради.
Суратда: Наврўз кўчасида бошқарма ходимлари томонидан амалга оширилаётган ишлар акс эттирилган.