Инсон ва қонун ЯШИРИН ЦЕХ ФАОЛИЯТИГА ЧЕК ҚЎЙИЛДИ

29.05.2023, 13:56
---

0

1

2

3

4

5

2023 йил 7 февраль куни туман ИИБ ЖҚБ ходимлари томонидан "Янгиқўрғон" маҳалла фуқаролар йиғини ҳудудида тезкор тадбир ўтказилди. Ўтказилган тадбирда Озод Эгамов (исми ва шарифи ўзгартирилган) ўзининг яшаш уйини қўшимча хонасида яширин цех ташкил этиб, ҳеч қандай ҳужжатларсиз, ноқонуний равишда "жувоз" ускунасини ўрнатиб, пахта чигитидан кунжара ва ёғ маҳсулотлари ишлаб чиқариш фаолияти билан шуғулланиб келаётганлиги аниқланди. Тадбир якунида ушбу яширин цех фаолияти билан боғлиқ бўлган 1 комплект "жувоз", 10 литр тозаланмаган ёғ, 110 кг кунжара, 3 кг чигит маҳсулотлари далилий ашё сифатида олиниб, тегишли тартибда ҳужжатлар расмийлаштирилган.
Суд мажлисида судланувчи тариқасида сўроқ қилинган Озод Эгамов ўзининг кўрсатувида, ўз айбига тўлиқ иқрорлик билдириб, у "жувоз" аппаратини 2023 йил январь ойининг охирларидан буён ишлатиб келаётганлигини, у мазкур фаолиятни қонунга хилофлигини билганлигини, оилавий шароитида моддий етишмовчиликлар бўлганлиги учун ушбу ишни қилганлигини, ҳозирги кунда қилган ишидан пушаймонлигини, бошқа бундай ишларни такрорламаслигини, унинг оилавий шароити оғирлигини инобатга олиб, суддан унга нисбатан қонуний енгиллик беришликни билдириб баёнот берди.
Судланувчи Озод Эгамов, Ўзбекистон Республикаси ЖК 1862-моддасининг 1-қисмида назарда тутилган жиноятни содир этганликда айбли деб топилди. Унга нисбатан ҳар ойда ойлик иш ҳақидан 20 фоиз миқдорини давлат даромади ҳисобига ушлаб қолган ҳолда 1 йил 6 ой муддатга ахлоқ тузатиш ишлари жазоси тайинланди.

Х.РОЗИҚОВ,

Бош прокуратура ҳузуридаги

иқтисодий жиноятларга қарши кураш депaртаменти Оқдарё

туман бўлими бошлиғи,

адлия маслаҳатчиси.

Мавзуга оид: