ОИЛАДА ҚАЙНОНА ВА КЕЛИН МУНОСАБАТЛАРИНИНГ АҲАМИЯТИ

Ҳозирги вақтда ёш оилалар ўртасида ажримларни таҳлил қилганимизда кўп учрайдиган ҳолатлар қизларимизни кўпчилиги оила қуришга тайёр бўлмай туриб турмушга чиқиши, қайнона ва келин муносабатларини бузилиши натижасида ажрим ҳолатлари келиб чиқмоқда.

Иш фаолиятимизда бўлимимизга ажрим масаласида келаётган ёш оилаларни ўрганар эканмиз куёвларимиз иш билан уйда бўлмаслиги ва вазиятдан хабари йўқлиги, келин асосан қайнона ва қайнота билан уларнинг хизматида бўлиши  агар қизларимиз оила юмушларида кўп нарсалардан бехабар бўлса қайнонасини норозилиги оқибатида оилада келин ва қайнона муносабатлари бузила бошлаши ва ишдан келган ўғлига келиннинг иш билмаслиги хато ва камчиликларини ўғлига айтиши ортидан оилада келин, куёв, қайнона ўртасида жанжал келиб чиқаётган ҳолатларга гувоҳ бўляпмиз. Бу ҳолат кўпроқ қизларимизни жуда эрта турмушга берган оилаларда кўпроқ учраяпти.

Шундай ҳолатларда куёвларимизни ҳам уйланишга тайёр эмаслиги билиниб қоляпти. Йигит аввало ақл билан иш тутиши, тарозини икки палласини бир маромда тутишни билиши шарт. Чунки бу жанжалга биргини ўғил оиланинг солиҳ эркаги сифатида нуқта қўяди.

Бу борада азиз оналаримизга айтар гапимиз - ёшгина қизни келин қилдингиз орзу хаваслар билан, энди уни ўз тарбиянгизга олинг, билмаганини билдириб, ёмонини яшириб, яхшисини ошириб туринг, вақти келиб ҳаммаси изига тушади. Бунга сабр, муроса-ю мадор билан эришинг. Ҳолбуки келинини ўз қизидай кўриб меҳр оқибат кўрсатиб, келин ҳам қайнонасини ўз онасидан ҳам улуғроқ эҳтиром, иззат-у, икромда тутадиган келинлару қайноналар камми дунёда. Турмушга узатилаётган қизларимизга авваламбор тушаётган оилага нисбатан ҳаётнинг пасту-баландликлари ҳақида онаси, ўзидан катта опалари тушунтирмоғи лозим.


Р.УСМАНОВА,

туман ФҲДЁ бўлими инспектори.                                                                

Мавзуга оид: