Ustozlar shogirdlar haqida ORZULARI OSMON QIZ

Bu dunyoda insoniyat yashar ekan, har bir kishining o'z orzu-armonlari, iztirob va yashashga umidi bo'ladi. Tumandagi  30-umumiy o'rta ta'lim maktabining 10-sinf o'quvchisi Mardiyeva Fotima  dardning olovli iztiroblari bilan yonsada,   shifokorlar ko'magida katta operatsiyalarni mardonavor yengib o'tdi. Ana shunday qiyin damlarda ham hayotga bo'lgan umid nishonalari uni aslo tark etmadi. Fotima qalblarida limmo-lim orzulari bilan do'stlari davrasiga qaytdi.
Fotima  2 yildirki uyda yakka tartibda ta'lim olmoqda. Biz ustozlar  sinfdosh do'stlari bilan uning oldiga borar ekanmiz, uning qanchalar hayotdan mamnun ekanligini, keltirgan shukronalarini ko'rib nihoyatda quvonamiz. Ayniqsa, uning hayotga, ilm-fanga bo'lgan Intiluvchanligini guvohi bo'lib biz ham   quvonch ko'z yoshlari bilan shukronalar aytib qaytamiz.
Do'stlari, dugonalari Fotimaning ko'ngil kechinmalarini tinglab, uning ko'nglini ko'tarishga harakat qilishadi. Fotima esa yaxshi o'qib, kelajakda shifokor bo'lish, buning uchun  sog'ligini tiklash,  o'qishga kirish uning birdan-bir maqsadi ekanligini eshitib, uning irodasiga, qobiliyatiga, izlanuvchanligiga tasannolar aytib qaytishadi.
Shunday ekan, har bir kunimizga, sog'ligimizga, barcha berilgan ne'matlar uchun  yaratganga shukronalar keltirishimiz  lozimligini anglab yetamiz. Bugungi kunda hayotdan nolib yashaydigan yoshlarimizga  Fotimaning hayoti ibrat namunasidir.
Biz ham o'zining sabr-qanoati, yuksak e'tiqodi bilan hayot sinovlarini mardonavor yengib, yuksak marralar sari intilayotgan Fotima Mardiyevani orzu-maqsadlariga erishishini astoydil istab qolamiz.