БУЮК КИШИЛАР ҲАЁТИДАН

«Буюклар ҳаётидан нима олинади» деган саволга: «Ибрат олинади, унга амал қилинади», деб  жавоб беришади. «Нодонлар ҳаётидан-чи», деб сўрашганда эса «Сабоқ олинади, ундан хулоса чиқарилади», дейишади.

Шу маънода машҳур кишилар

ҳаётидаги айрим ғаройиботларни келтирамиз:

1896 йил 4 июнь куни Генри Форт томонидан  ишлаб чиқилган илк автомобиль синовдан ўтиши  керак эди. Аммо синов жараёни бир соатга кечиктирилади. Чунки  автомобиль терилган цех дарвозасидан кенглиги сабабли чиқа олмаган.

*** 

Болалар ёзувчиси Ханс Кристиан Андерсен бирорта ҳам  сўзни хатосиз ёза олмаган.

*** 

Инскандар Зулқарнайн ҳарбий юришлари даврида Хомернинг «Илиада» достонини олиб юрган. Ухлаганида эса ёстиғининг остига қўйиб ётган.

***

1922 йил 4 август куни телефон ихтирочиси А.Беллнинг вафоти муносабати билан Шимолий Америкадаги барча телефонлар бир дақиқага ўчирилган.

***

Ёруғлик кашфиётчиси Томас Эдисон ихтиролари учун энг яхши ғоялар тушида келганлигини кўп бора таъкидлаган. Буюк физик олими Алберт Эйнштейн ҳам шу фикрда бўлган.

***

 Буюк астроном Иоганн Кеплер кичкинагина хато ҳам ўтиб кетмаслиги учун ҳар бир кашфиётини 70 мартадан такрор текшириб кўрган.

***

1926 йил 4 декабрь куни детектив жанрининг қироличаси, машҳур инглиз ёзувчиси Агата Кристи кутилмаганда йўқолиб қолади. Орадан ўн бир кун ўтгач, адиба топилади, аммо нима содир бўлганлигини билмаслигини айтади.

***

Машҳур ёзувчи Жюль Верн уйқусизликдан кўп озор чеккан.  Ухлай олмаган кечалари ёзувчи  4 минггача топишмоқ тўқир экан.

***

Рим папаси Иоанн Павел II 130 дан ортиқ давлатда бўлган. У босиб ўтган масофа ер юзини 40 маротаба айланиб чиқишига етади.