ФИРИБГАРЛИКНИНГ ПАЙИ ҚИРҚИЛДИ

Судланувчи Носиров Озодбек, 2024 йил 25 май куни Каттақўрғон тумани "Андоқсой" МФЙда яшовчи фуқаро Н.Ш.нинг яшаш уйига бориб, ўзини чорва молларини боқиш билан шуғулланувчи шахс сифатида кўрсатади. Н.Ш.ни 1 бош молини жами 13.500.000 сўмга сотиб олишга келишиб, унга 500.000 сўм пулларни бериб, қолган 13.000.000 сўм пулларни 2024 йил 1 август кунига қадар беришни ваъда қилади. Носиров Озодбек унинг ишончига кириб, алдаб, фирибгарлик йўли билан қўлга киритган молини тергов ҳаракатлари давомида аниқлашнинг имкони бўлмаган шахсларга арзон нархларда сотиб юборади ва  ушбу пулларни ўзининг шахсий эҳтиёжларига ишлатиб юборган.   

Бундан ташқари, Носиров Озодбек ўзининг жиноий хатти-ҳаракатларини давом эттириб, такроран, ўзганинг мулкини алдаш ва ишончни суиистеъмол қилиш йўли билан қўлга киритиш мақсадида, 2024 йил 3 июнь куни Каттақўрғон тумани "Андоқсой" МФЙда яшовчи фуқаро Р.Б.нинг яшаш уйига келиб, ўзини чорва молларини боқиш билан шуғулланувчи шахс сифатида кўрсатиб, Р.Б.ни 4 бош молларини жами 28.000.000 сўмга сотиб олишга келишади. Келишилган 28.000.000 сўм пулларни 2024 йил 10 июнь кунига қадар беришни ваъда қилиб, уни ишончига кириб, алдаб, фирибгарлик йўли билан қўлга киритган молларини арзон нархларда сотиб юбориб, пулларни ўзининг шахсий эҳтиёжларига ишлатиб юборган. 

Бундан ташқари, Носиров Озодбек ўзининг жиноий хатти-ҳаракатларини давом эттириб, такроран, ўзганинг мулкини алдаш ва ишончни суиистеъмол қилиш йўли билан қўлга киритиш мақсадида, 2024 йил сентябрь ойининг бошларида Каттақўрғон тумани "Қушбеги" МФЙда яшовчи фуқаро ў.З.нинг яшаш уйига келади. Ўзини чорва молларини боқиш билан шуғулланувчи шахс сифатида кўрсатиб, ў.З.ни 20 бош молларини жами 183.000.000 сўмга сотиб олишга келишади. Келишилган 183.000.000 сўм пулларни 2024 йил декабрь ойига қадар беришни ваъда қилади. Унинг ишончига кириб, алдаб, фирибгарлик йўли билан қўлга киритган молларини тергов ҳаракатлари давомида аниқлашнинг имкони бўлмаган шахсларга арзон нархларда сотиб юборади ва бу пулларни ўзининг шахсий эҳтиёжларига ишлатиб юборади. 

Судланувчи Носиров Озодбек ўзининг жиноий хатти-ҳаракатларини давом эттириб, такроран, ўзганинг мулкини алдаш ва ишончни суиистеъмол қилиш йўли билан қўлга киритиш мақсадида бир қатор фирибгарликларни амалга оширади. Жумладан, 2024 йил 23 июнь куни Каттақўрғон тумани "Қўшқутон" МФЙда яшовчи фуқаро К.И.нинг 21.700.000 сўм пулларини фирибгарлик йўли билан қўлга киритиб, ўзининг шахсий эҳтиёжларига ишлатиб юборган. 2024 йил 16 октябрь куни Каттақўрғон тумани "Себустон" МФЙда яшовчи фуқаро   Ф.Х.нинг 16.000.000 сўм,  2024 йил 2 август куни Каттақўрғон тумани "Бургансой" МФЙда яшовчи фуқаро Б.Г.ни 10.600.000 сўм, 2024 йил 19 август куни Каттақўрғон тумани "Янгиобод" МФЙда яшовчи фуқаро М.С.нинг 10.000.000 сўм пулларини кейин бериш мақсадида фирибгарлик йўли билан қўлга киритиб, ўзининг шахсий эҳтиёжларига ишлатиб юборган.  

Судланувчи Носиров Озодбек Ўзбекистон Республикаси ЖК 168-моддаси 3-қисмининг "б" банди билан айбли деб топилиб, унга нисбатан ҳар ойда ойлик иш ҳақидан 20 фоиз миқдорини давлат даромади ҳисобига ушлаб қолган ҳолда 3 йил муддатга ахлоқ тузатиш ишлари жазоси тайинланди.                          

У.САЛАЙДИНОВ,

    туман прокуратураси терговчиси, учинчи даражали ҳуқуқшунос.