ОҚДАРЁНИНГ ОЙГУЛИ Ойгул Муҳаммад Жиян қизига

Оқдарёнинг Ой гули, Тоҳир-Зуҳра авлоди, 
Адибалар ичида биринчи роман ёзган.
Депутатлик чоғида минбарларни титратиб,
Қаллобларнинг тагига каттагина чоҳ қазган.
Ижодкорлик бобида миришкор боғбон бўлиб,
Бир қаламдан ҳар турли жанрларни ундирган.
Ақлини танибдики, халқим дея хизматда,
Қадрдон диёрига йўқ нарсани йўндирган.
Ҳалима Худойберди аёлларнинг арслони,
Ойгул опа шиддатда лол қолдиргай бўрини.
Жамаот ишларининг ташвишлари каттакон, 
Яна асрар  оила ўчоғининг қўрини.
Етмиш ёшга етибмиш, ишонмайди кўрганлар,
Элим дея юрганни тақдир шундоқ сийлайди.
Оқила аёлларнинг ўзгача хислати бор:
Тўра қилар эрини, боласини бийлайди.
Ойгул опа, азизлик ёр бўлсин икки дунё,
Умрни узоқ берсин, ризқнинг эса улуғин.
Топган гул келтиради, топмаган бир боғ пиёз,
Шоир Тўлқиндан қабул қилинг шеърий қуллуғин.
                   
Тўлқин ЭШБЕК. 
2025 йил.