НУКУСДА ДЎСТЛИК САЙЛИ

Яқинда Самарқанд вилоятининг бир гуруҳ фаоллари таркибида Оқдарёлик фаоллар ҳам Қорақалпоғистоннинг Нукус туманига ташриф этишди. Меҳмонлар муносиб тарзда кутиб олинди.
Қорақалпоғистон Республикаси Нукус тумани "Aқтерек" маҳалласида Oқдарё тумани фаоллари бошчилигида Дўстлик сайли ташкил этилди. Байрам дастуридан маҳалла аҳолисига манзур бўлиб, уларнинг кайфияти кўтарилди.
Шунингдек, Қорақалпоғистон Республикасининг Нукус шаҳрида арзонлаштирилган қишлоқ хўжалиги маҳсулотлари ярмаркаси ташкил этилди. Мазкур ярмаркада туманимиз вакиллари ҳам ўз маҳсулотлари билан муносиб иштирок этишди. 
Самарқандлик меҳмонлар Ақманғит шаҳарчасидаги янги фойдаланишга топширилаётган кутубхонанинг очилишида иштирок этишди. Қорақолпоғистон Республикаси Нукус тумани "Ақтерек" маҳалласидаги Дўстлик сайли билан биргаликда Оқдарё тумани фаоллари бошчилигида спортнинг кураш, шашка ва шахмат турлари бўйича "Ақтерек" маҳалласи биринчилиги ўтказилди. Спортчиларимиз Оқдарё тумани  фаоллари томонидан рағбатлантирилди.
Қорақолпоғистон Республикаси Нукус тумани "Ақтерек" маҳалласидаги Дўстлик сайли якунида мактабнинг фаол, тенгдошларига ўрнак бўлган ўқувчи ёшлари мактаб формалари билан, маҳалла фаоллари, раис, ҳоким ёрдамчиси, хотин-қизлар фаоли ва ёшлар етакчилари эса қимматбаҳо совғалар билан туманимиз фаоллари томонидан рағбатлантирилди. 
Байрам сўнггида Оқдарё туман ҳокими ўринбосари С.Луқмонов ва Ёшлар ишлари агентлиги Оқдарё туман бўлим бошлиғи М.Мусаевлар мана шундай дўстлик сайллари кўпроқ амалга ошишини, халқларимиз дўстлиги, юртимиз тинчлиги абадий бўлишлигини тилаб якунлашди.