ЁШЛАР ДАФТАРИ - ИМКОНИЯТЛАР ДАФТАРИ

Тумандаги "Пичоқчи" МФЙда истиқомат қилувчи Озода Аъзамова  оиланинг бешинчи, шу билан бирга энг кенжа фарзанди.  2000 йилда таваллуд топган Озоданинг дадаси ва акаси оддий ишчи, опалари турмушга чиқиб кетган. Оиласига ёрдам бериш ва ҳаётда ўз ўрнини топишни мақсад қилган қиз ишлашни жуда ҳам хоҳларди. 
У жорий йилнинг бошида "Ёшлар дафтари"га киритилганидан сўнг, тикув цехига ишга қабул қилинди. Ойлик даромади ҳам ёмон эмас, бир миллион икки юз минг сўм атрофида. 
Ишга киргандан сўнг кийимларини ҳам ўзи тика бошлаган Озода севимли касбида ишлаши учун унга яқиндан ёрдам берган туман Ёшлар ишлари агентлиги ва туман ҳокимлигидан миннатдор.