Кундалик дафтардаги қалб сўзлари БОР БЎЛИНГ, ЯХШИ ОДАМЛАР!

Бугун шундай мўъжиза рўй берди, ўзим ҳам бундай тасодифдан бошим гангиб қолди тўғриси. Саодат Боймирзаева деган опажон билан Туркиядан келганимдан бери, ана кўришамиз, мана кўришамиз деб, орадан анча вақт ўтиб кетди.Самарқандга кетишга тайёргарлик кўраётан эдим. 14:00 да қўнғироқ бўлди, қарасам Саодатхон опам экан: 
- Гулхумор, ассалому алайкум, яхшимисиз асалим, участкаларни бошлаб юборибсиз, нега бир оғиз айтмайсиз, шуми опа-сингилчилик", деса жудаям хурсанд бўлиб кетибман. 
- Тошкентдамисиз, иккаламиз "обед" қиламиз, розимисиз, вақтингиз борми, - деди. 
Мен эса, албатта опажон, дедим. Опа  айтган жойга бориб, опани сабрсизлик билан кута бошладим. Бир қарасам, икки киши келаяпти. Мен опани таниёлмадим очиғи, жудаям гўзаллашиб кетибди. Биз опа билан биринчи марта кўришишимиз эди, у кишини маҳкам бағримга босдим. Ҳеч нарсадан хабарим йўқ, опа мени ёнидаги киши билан таништирди. "Аёллар дафтари" бўйича бошқарма бошлиғи Шавкат ака экан. Салом-аликдан кейин ҳалиги ака "Аёллар дафтари"ни қайси боқичида туришимни сўради. Мен бунақа нарсага тушунмайман, ёнимда маҳалла берган қоғозни олвоган эканман, ўшани кўрсатдим. У киши ўқиб чиқди-да:
- Гулхуморхон, биз сизга уйингизни битказиб олишингиз учун ёрдам берамиз, тўққиз миллионгача пул ажратилган, айнан сизнинг тоифангиздаги аёлларга, деди. - Сизни қанақа касаллигингиз бор, - деб сўради.
- Астмам борлигини, иккинчи қизим иккинчи гуруҳ ногирони эканлигини билгач, бир ёлғиз она учун қанча давлат имконият қилиб қўйган бўлса, ҳаммасини тушунтириб берди. Энди бизни назоратимиздасиз, деди.
"Шок"даман албатта, ҳўнграб йиғлаб юборишдан ўзимни зўрға тийиб турибман. Шу пайтда Саодатхон опамга бир аёл киши қўнғироқ  қилаяпти. 
- Нима бўлди? 
Гулхумор билан кўришдингизми,  деб турибди. Саодатхон опам менга, у меҳрибон инсонни ҳам таништирди: Озода Парпибоева. 
Хуллас, воқеа шундай бўлган. Саодатхон опам Озодахон опага мени таништирган, ёрдам сўраб қўйган постларимни шахсан ўзларига юбориб қўйган. 
У кишининг топшириғига кўра, бошда Саодатхон опам, кейин Шавкат акалар менга ёрдам қўлини узатишга бел боғлашган. Мен Озодахон деган опанинг шунча ташвишлари бўла туриб, мен билан алоҳида шуғулланишларидан  бошим осмонга етди, тўғриси. Худойим сен борсан, ягонасан деб ичимдан ўтказаяпман. Шавкат ака билан гаплашиб бўлгач, биз Саодатхон опам иккаламиз овқатлангани кетдик. Мазза қилиб ширин суҳбат қурдик. Икки кундан бери ҳамма нарсамни йиғиштириб, Самар-қандга икки кишини жойига пул тўлаб кетишим керак эканлигини ҳис қилдим. Икки кишини пули эса 300 минг бўлади. Шофёр болага қўнғироқ қилиб бу ҳақда унга хабар бердим. Бугун кечга кетиш керак, ёнимда эса 20 минг пул бор. Ота-онамга амаллаб топиб берасизми, десам йўқ, деди. Укамга қўнғироқ қилсам, у ҳали иш ҳақини олмаганлигини айтди. Қизим орқали дадасидан сўратсам, 80 минг бор деб, ўшани ташлаб берди. 
Нима қилишни билмай, шофёр болани ўзига илтимос қиламан, бир икки кунга қарз қилиб турар, кейин мен унга бераман, деб ўйлаб юрган эдим. Оллоҳим, ўзинг буюксан, ҳечам мени аро йўлда қолдирмагансан деб, ишонасизми кўча-куйда айтиб юрибман.
Саодатхон опам билан хайрлашаётсам, сумкамга пул солиб қўйди. Вой опажон, дедим-да, машинага чиқиб, ҳалиги пулни қўлимга олдим. 300 минг пул турибди. 
Титраб кетди бутун танам. Худойим, ўзинг қанчалар буюксан, менга йўл пулини етказиш учун Саодатхон опамни юбордингми, деб йиғламсираб кетяпман. Опани ўзларига ҳам бу ҳақда ёздим. Онамга қўнғироқ қилиб бўлган воқеани айтиб бердим. Самарқандга кетаяпману, йўл-йўлакай бугунги мўъжизали кунимни хурсанд бўлиб, ёзиб кетаяпман. Менга яхшилик қилган, қилаётган, Яхшиларим! Худойим сизларни ўз паноҳида асраб юрсин. Бирам яхшисизлар, бирам яхши кўраман сизларни. Яшасин, Яхшилар! Яшасин, Ўзбекистон! 
Мана буни катта одамларни - ерда, биз оддий одамларни орасида, бизларни эшитиб юриши деб биламан. Озодахон опамни  ҳаётда бир шиорлари бор экан: "БУ ДАР-ГОҲГА КИМКИ ҚАДАМ ҚЎЙСА, НОРИЗО КЕТМАСЛИГИ КЕРАК",  дер эканлар, барака топсин. Шундай ажойиб, мард раҳбар аёлларимиз борлиги қандай яхши.
Озодахон опани жудаям бориб кўргим келаяпти. Оллоҳ рози бўлсин.
Гулхумор.